ვინ არის გიგიშა

ეს არ არის პირველი გახმაურებული შემთხვევა, რომელიც ოცნების პროპაგანდისტსა და მის სიძეს უკავშირდება. მანამდე იყო ორი სკანდალი, ორივე ოცნების ხელისუფლების პირობებში. ტენდერები, შეუსრულებელი დაპირებები, გაშავებული კომპანია და სახელმწიფო ქონების გაფლანგვა-მითვისება - ამ ბრალდებით დაწყებული ძიების შედეგებზე არაფერია ცნობილი.  უცნობი და მისი სიძე სახელმწიფო ტენდერში სხვა კომპანიის გამარჯვების გამო ჩიოდნენ და პრეტენზიებით პრემიერამდეც მივიდნენ. უცნობმა მეგობარ კვირიკაშვილთან პირადი მოკლე ტექსტური შეტყობინებები პირდაპირ ეთერში წაიკითხა. რაც ეხება მეორე საქმეს - ქართული ოცნების პროპაგანდისტის სიძეს არანაირი პასუხისმგებლობა არ დაკისრებია საინვესტიციო პირობებით მიღებულ სახელმწიფო მიწაზე ვალდებულებების შეუსრულებლობის გამო.