უკრაინის პრეზიდენტი ვოლოდიმირ ზელენსკი სოციალურ ქსელ X-ში გამოქვეყნებულ განცხადებაში ახლო აღმოსავლეთსა და სპარსეთის ყურეში ცეცხლის შეწყვეტის აუცილებლობას უსვამს ხაზს და აღნიშნავს, რომ ეს ნაბიჯი დიპლომატიური ძალისხმევისთვის ფუნდამენტურ საფუძველს ქმნის. პრეზიდენტის თქმით, უკრაინა მხარს უჭერს რეგიონში მშვიდობის დამყარებას, რადგან „ცეცხლის შეწყვეტა სწორი გადაწყვეტილებაა, რომელიც ომის დასრულების შესაძლებლობას ქმნის“. ზელენსკი განმარტავს, რომ საბრძოლო მოქმედებების შეჩერება პირდაპირ უკავშირდება ჰუმანიტარული კატასტროფის თავიდან აცილებას, რაც „ნიშნავს ადამიანების სიცოცხლის გადარჩენას, ქალაქებისა და სოფლების ნგრევის დასრულებას, ელექტროსადგურებისა და სხვა ინფრასტრუქტურის ნორმალურ მუშაობს“. მისი ხედვით, ეს პროცესი უზრუნველყოფს იმ აუცილებელ დროსა და პირობებს, რაც დიპლომატიური შედეგების მისაღწევად არის საჭირო.
ამ კონტექსტში პრეზიდენტმა პარალელი გაავლო უკრაინაში მიმდინარე ომთან და კიდევ ერთხელ დაადასტურა ქვეყნის მზაობა მშვიდობისთვის.
პრეზიდენტმა განსაკუთრებული ყურადღება დაუთმო ამერიკის შეერთებული შტატების როლს.
ცეცხლის შეწყვეტა სწორი გადაწყვეტილებაა, რომელიც ომის დასრულების შესაძლებლობას ქმნის. ეს ნიშნავს ადამიანების სიცოცხლის გადარჩენას, ქალაქებისა და სოფლების ნგრევის დასრულებას, ელექტროსადგურებისა და სხვა ინფრასტრუქტურის ნორმალურ მუშაობს და შესაბამისად, დროისა და პირობების უზრუნველყოფას, რაც აუცილებელია იმისთვის, რომ დიპლომატიამ შედეგი გამოიღოს. უკრაინა ყოველთვის ცეცხლის შეწყვეტის მოწოდებით გამოდის ევროპაში ჩვენი სახელმწიფოსა და ჩვენი ხალხის წინააღმდეგ რუსეთის მიერ წარმოებულ ომში. უკრაინა კვლავ ეუბნება რუსეთს, რომ თუ რუსები დარტყმებს შეწყვეტენ, მზად ვართ, ეს ჩვენც გავაკეთოთ. ყველასთვის ნათელია, რომ ცეცხლის შეწყვეტას შეთანხმებისთვის საჭირო წინაპირობების შექმნა შეუძლია“ - წერს ზელენსკი X-ზე.
დახურვა