უკრაინის პრეზიდენტმა ვოლოდიმირ ზელენსკიმ NATO-ს გენერალურ მდივან მარკ რუტესთან სატელეფონო საუბარი გამართა. ამის შესახებ ინფორმაციას ის X-ზე აქვეყნებს.
ვოლოდიმირ ზელენსკი წერს, რომ მარკ რუტეს დიპლომატიური მუშაობის ძირითად ასპექტებზე ესაუბრა.
"მიხარია, რომ ბევრი მიმართულებით ჩვენი მოსაზრებები ემთხვევა. ინფორმაცია გავუზიარე სამმხრივ ფორმატში აშშ-სთან და რუსეთთან მოლაპარაკებების მორიგი რაუნდის მზადების, ასევე, მხარეების პოზიციების შესაძლო ცვლილების შესახებ", - დაწერა ვოლოდიმირ ზელენსკიმ X-ზე.
უკრაინის პრეზიდენტის ცნობითვე, სატელეფონო საუბრისას განიხილეს უკრაინაში არსებული ენერგეტიკული ვითარება და NATO-ს PURL ინიციატივის ფარგლებში მუშაობის გაგრძელების საკითხი.
დახურვა