უკრაინის პრეზიდენტი ვოლოდიმირ ზელენსკი ამბობს, რომ მზად არიან, უკრაინის ნეიტრალიტეტი განიხილონ, თუმცა საკითხზე რეფერენდუმი უნდა ჩატარდეს, რადგან კონტიტუციაში მსგავს ცვლილებას მინიმუმ 1 წელი დასჭირდება.
მისივე თქმით, მზად არიან, დათმობაზე წავიდნენ ქვეყნის არაბირთვულ სტატუსთან დაკავშირებითაც.
"უსაფრთხოების გარანტიები და ნეიტრალიტეტი, ჩვენი სახელმწიფოს არაბირთვული სტატუსი - მზად ვართ, ამაზე წავიდეთ. ეს იყო ყველაზე პრინციპული რუსეთისთვის. რამდენადაც მახსოვს, ამის გამო დაიწყეს ომი", - თქვა ზელენსკიმ რუს ჟურნალისტებთან ინტერვის დროს.
მისივე განცხადებით, რეფერენდუმი ვერ ჩატარდება, სანამ ქვეყნის ტერიტორიაზე რუსეთის ჯარი იქნება.