ზემო სვანეთის გზაზე, მესტია-უშგული-ლასდილის 43-ე კილომეტრზე კლდე ჩამოიშალა.
მოძრაობა ორივე მიმართულებით შეჩერებულია.
ადგილზე მობილიზებულია სპეციალური ტექნიკა, მიმდინარეობს გაწმენდის სამუშაოები.
ასევე, ელოდებიან სპეციალისტების ჯგუფს, რათა მოხდეს ქანების შესწავლა.
მესტიაში მცხოვრები 8 ადამიანი, რომლებსაც ჯანმრთელობის მდგომარეობის პრობლემების გამო გზის გავლა სჭირდებოდათ, მაშველებმა გადაიყვანეს.
უცნობია, რა დრო დასჭირდება გზის გახსნას, თუმცა, სამეგრელო-ზემო სვანეთის სახელმწიფო რწმუნებულის მოადგილის, დავით კულუხაშვილის თქმით, ეცდებიან, მოძრაობა მაქსიმალურად მოკლე დროში აღდგეს.
დახურვა