ზუგდიდში მოკლული ნათია აფხაზავას ოჯახის წევრები და ახლობლები მკვლელობის ბრალდებით დაკავებული ნათია ხაჭატურიანის და მასთან ერთად მკვლელობის საქმეში ფიგურანტი სხვა პირების გამოვლენას და უმკაცრესად დასჯას - უვადო პატიმრობას ითხოვენ. მოკლულის ოჯახის წევრები ვარაუდობენ, რომ მკვლელობის ჩადენის მომენტში, ხაჭატურიანი მარტო არ მოქმედებდა.
აღნიშნული მოთხოვნით, მოკლული ქალის ოჯახის წევრებმა და ახლობლებმა, ზუგდიდის რაიონულ სასამართლოსთან დღეს საპროტესტო აქციაც გამართეს, სადაც მოკლულის და მკვლელობის ბრალდებით დაკავებულის ახლობლებს შორის მცირე დაპირისპირებაც მოხდა.
აღნიშნულ საქმეზე დღეს, ზუგდიდის რაიონულ სასამართლოში მორიგი სხდომა გაიმართა, სადაც მიმდინარეობს მტკიცებულებათა გამოკვლევა და მოწმეთა გამოკითხვა
დახურვა