ექიმები საგარეჯოში 24 წლის გიორგი კიკნაძის სიცოცხლისთვის იბრძვიან. დაჭრილის მდგომარეობა კრიტიკულია, თავდამსხმელმა მას იმ დროს ესროლა, როცა კაცი მეგობრების გადარჩენას ცდილობდა. ყოფილმა სამხედრომ გუშინ ღამით საგარეჯოში მოქალაქეებს ცეცხლი გაუხსნა. ტრაგედიას 5 პირი ემსხვერპლა, მათ შორის ადგილზე მისული პოლიციელი. შეიარაღებულ ყოფილ სამხედროს, ნოდარ ათუაშვილს გადაურჩა მისივე შვილი, ცეცხლის გახსნისას მან სახლიდან გაქცევა შეძლო. ავტომატის ჯერი და ასაფეთქებელი ნივთიერებები, - თავდაცვის სამინისტროს ყოფილი თანამშრომელი ორი საათი ისე ისროდა, რომ მისი შეჩერება ვერ მოხერხდა. თავდამსხმელმა თავი მოიკლა. საგარეჯოში ახლა დაღუპულებს გლოვობენ.
თავდასხმა საგარეჯოში
20 იან 202320:01
3 წუთის საკითხავი
დახურვა