იპოდრომთან მდებარე ყოფილი კორტების ტერიტორია თბილისის მერიას გასაყიდად გამოაქვს - ამის შესახებ დედაქალაქის მთავრობის სხდომაზე გახდა ცნობილი. ტერიტორია დაახლოებით 5 მილიონი ლარი ეღირება.
თბილისის მერის განცხადებით, ინვესტორს ჩოგბურთის კორტების აღდგენის ვალდებულება ექნება, გასაყიდად ქონება რამდენიმე დღეში გამოვა.
„აღნიშნული ქონება საპრივატიზაციოდ გაგვაქვს სპორტული კომპლექსის აღდგენის პირობით - უნდა აღდგეს ჩოგბურთის კორტები, ასევე, უნდა მოეწყოს საცურაო აუზი და ფიტნესკომპლექსი. ქონება უკვე შეფასებულია სამხარაულის ექსპერტიზის მიერ", - განაცხადა კახა კალაძემ.
შეგახსენებთ, რომ კორტების ტერიტორიის გაყიდვა კახა კალაძემ თებერვალში დააანონსა.
დახურვა