განათლებისა და კულტურის კომიტეტის თავმჯდომარე თეა წულუკიანი ამჯერად მარიონეტების თეატრში იმყოფებოდა და თეატრის ხელმძღვანელობასა და წარმომადგენლებს შეხვდა.
საქართველოს პარლამენტის ინფორმაციით, "ლევან გაბრიაძემ კომიტეტის თავმჯდომარეს თეატრის სამომავლო გეგმები გააცნო და ის კონკრეტული პროექტები წარუდგინა, რომელთა განხორციელებასაც თეატრი შესაბამისი ხელშეწყობის პირობებში წარმატებით შეძლებს როგორც საერთაშორისო ასპარეზზე, ასევე საქართველოში, განსაკუთრებით კი სოფლად მცხოვრები ბავშვებისა და ახალგაზრდებისათვის".
კულტურის სამინისტროს ცალკე გამოყოფის შემდეგ წულუკიანის მინისტრის პოსტზე დანიშვნა განიხილება. ეს ინფორმაცია 8 თებერვალს საპარლამენტო უმრავლესობის დეპუტატმა მაია მენაღარიშვილმა ჟურნალისტებს დაუდასტურა. ინფორმაციის დადასტურების შემდეგ, უმრავლესობის დეპუტატებმა პროფესიით დიპლომატის სპორტისა და კულტურის მინისტრად დანიშვნის გადაწყვეტილება მოიწონეს და განაცხადეს, რომ წულუკიანი სპორტისა და კულტურის სფეროში არსებულ პრობლემებს ეფექტურად გაუმკლავდება. წულუკიანი უკვე რამდენიმე კვირაა, სხვადასხვა თეატრში დადის.
დახურვა