თეთრი სახლის წარმომადგენელი ამბობს, რომ ჯო ბაიდენი ვლადიმირ პუტინს არ დაპირებია, რომ უკრაინის NATO-ში გაწევრიანებაზე მორატორიუმს გამოაცხადებს.
მეტიც, აშშ-ს არ შეცვლია ხედვები NATO-ს წევრობასა და ალიანსის გაფართოების პოლიტიკაზე.
რუსეთის პრეზიდენტმა უშიშროების საბჭოს სხდომაზე თქვა, რომ ბაიდენს უკრაინის NATO-ში გაწევრიანების საკითხზე ელაპარაკა და მისგან მიიღო პასუხი, რომ ალიანსი არ გეგმავს, უკრაინა თავის რიგებში "ხვალ მიიღოს" და მეტიც, შესაძლებელია რამე სახის მორატორიუმი, რადგან დასავლეთს მიაჩნია, რომ უკრაინა NATO-ს წევრობისთის მზად არ არის.
თუმცა, პუტინის თქმით, მისთვის ეს არ არის დათმობა და პირიქით - NATO-ს გეგმების განხორციელებაა.
"თქვენ თქვენთვის აცხადებთ ამ მორატორიუმს და არა ჩვენთვის".- თქვა პუტინმა ბაიდენის მისამართით.
დახურვა