![918vjhba6b10dj8.jpg](/uploads_script3/news/918vjhba6b10dj8.jpg)
თურქეთის არმიასა და სირიის ჯარს შორის იდლიბში შეტაკებები გრძელდება. მხარეებს შორის მორიგ დაპირისპირებას 55 სირიელი ჯარისკაცი ემსხვერპლა. ინფორმაციას თურქეთის თავდაცვის სამინისტროში ადასტურებენ.
ჩრდილო-დასავლეთით მდებარე რეგიონში საჰაერო და საარტილერიო იერიშების შედეგად რამდენიმე დღის წინ 100-ზე მეტი სირიელი ჯარისკაცი დაიღუპა. დაპირისპირებას წინ თურქულ პოსტზე თავდასხმა უძღოდა, რომლის დროსაც 5 თურქი ჯარისკაცი დაიღუპა. თურქეთის პრეზიდენტმა რეჯეპ ტაიფ ერდოღანმა განაცხადა, რომ სირიის რეჟიმს თურქი სამხედროების სიკვდილი ძვირი დაუჯდება.
გაეროს ინფორმაციით, დეკემბრიდან დღემდე საცხოვრებელი ადგილი დაახლოებით 700 ათასმა სირიელმა დატოვა.