იაპონიაში საკურა აყვავდა, თუმცა ამჯერად ალუბლის ყვავილობა ხალხის გარეშე ჩაივლის. ტოკიოს პარკები ცარიელია.
ხელისუფლება მოსახლეობას სთხოვს, სანახაობას ინტერნეტით უყუროს და გარეთ გასვლისგან თავი შეიკავოს, რადგან კორონავირუსით დაავადებულთა რაოდენობა ქვეყანაში იზრდება.
ქვეყანაში გადაიდო ყველა ფესტივალი, რომელიც ალუბლის ყვავილობასთანაა დაკავშირებული. უჩვეულოდ თბილი ამინდის გამო საკურას ყვავილობა წელს ჩვეულებრივზე 12 დღით ადრე დაიწყო.