ისრაელში ჩინეთის ელჩი გარდაცვლილი იპოვეს. დიპლომატის ცხედარი თელავივის გარეუბანში, საკუთარ ბინაში იპოვეს. 57 წლის დუ ვეი სახლში, სავარაუდოდ, მარტო იყო. მისი ოჯახი ისრაელში არ იმყოფება.
ჯერჯერობით უცნობია დიპლომატის გარდაცვალების მიზეზი. ელჩის ბინაში სამოძიებო ჯგუფი მუშაობს. დუ ვეი ჩინეთის დიპლომატიური უწყების ხელმძღვანელად ისრაელში თებერვალში დაინიშნა. მანამდე ის ელჩის თანამდებობას უკრაინაში იკავებდა.