იტალიის მთავრობამ მიიღო გადაწყვეტილება, რომ მილანის რეგიონი ჩაკეტოს, - ამის შესახებ ინფომაციას Bloomberg ავრცელებს.
მედია საშუალების ინფორმაციით, აღნიშნული გადაწყვეტილება ხელისუფლებამ კორონავირუსის პრევენციის მიზნით მიიღო, მას შემდეგ რაც რეგიონში ინფიცირებულთა 5883 შემთხვევა დაფიქსირდა.
მილანი 3 აპრილამდე დღეიდან ჩაიკეტება, რაც ნიშნავს იმას, რომ ქალაქიდან გასვლა აიკრძალება, გარდა განსაკუთრებული შემთხვევებისა.
გარდა ამისა, Bloomberg-ი წერს, რომ ქალაქში არსებულმა ყველა ბარმა თუ რესტორანმა უნდა აკონტროლოს, ადამიანების დისტანცია. ის დაწესებულებები, რომლებიც დაარღვევენ წესს, დაიხურებიან. ასევე, ყველა ვინც ახალ განკარგულებას არ დაემორჩილება, მასზე სისხლის სამართლის დევნა დაიწყება.
დახურვა