თბილისის მერის, კახა კალაძის თქმით, მათი სატრანსპორტო პოლიტიკის მიხედვით, ქალაქში მიკროავტობუსები 3 000-დან 1 200-მდე შემცირდება და თბილისის რელიეფიდან გამომდინარე დაინიშნება მათი მარშრუტები. ამის შესახებ მერმა დღეს, 23 სექტემბერს თბილისის მთავრობის სხდომის დაწყებამდე განაცხადა.
"თბილისში 3000-მდე მიკროავტობუსი გადაადგილდებოდა პირველი წლების განმავლობაში, თუმცა მიკროავტობუსების რაოდენობა 1 200-მდე შემცირდება. ჩვენ საავტობუსე და მარშრუტების ქსელის მოდერნიზებას ვაკეთებთ. ძირითად უბნებში ივლის 12-მეტრიანი, 8-მეტრიანი, 10-მეტრიანი ავტობუსები, ხოლო თბილისის რელიეფიდან, ქუჩების სივიწროვიდან გამომდინარე ივლის მიკროავტობუსებიც", - თქვა კახა კალაძემ.
მანვე სხდომაზე განაცხადა, რომ Ford-ის მარკის 300 მიკროავტობუსი ეტაპობრივად, 180 დღის განმავლობაში შემოვა თბილისში.
დახურვა