თბილისის მერმა კახა კალაძემ დედაქალაქის მთავრობის სხდომაზე განაცხადა, რომ ხვალიდან, 5 ნოემბრიდან დროებით დაიხურება საბავშვო ბაგა-ბაღები.
"არსებული ეპიდემიოლოგიური მდგომარეობიდან გამომდინარე, გუშინ ძალიან ბევრი მსჯელობა იყო უწყებათშორის საბჭოზე. მივიღეთ გადაწყვეტილება, რომ ხვალიდან საბავშვო ბაგა-ბაღები მთლიანად დაიხურება დროებით, ვიდრე ეპიდემიოლოგიური მდგომარეობა არ გამოსწორდება. ჩვენ ვუფრთხილდებით ჩვენი შვილების, მომავალი თაობების ჯანმრთელობის უსაფრთხოებას. ხვალიდან ბაღებში დროებით შეჩერდება სააღმზრდელო პროცესი", - განაცხადა კალაძემ.
მანვე ვიცე-მერს დაავალა, რომ მოხდეს ბავშვების კვებით უზრუნველყოფა.
დახურვა