![2022/02/26/eme7sp986siawpe.jpg](/uploads_script3/articles/2022/02/26/eme7sp986siawpe.jpg)
კანადური ალკოჰოლის მაღაზიები რუსულ არაყსა და სხვა რუსული წარმოების ალკოჰოლურ სასმელებს აღარ გაყიდიან. ეს მათი მხრიდან უკრაინაში შეჭრის გამო მოსკოვის აგრესიის დაგმობაა.
კანადაში მანიტობისა და ნიუფაუნდლენდის პროვინციებში ალკოჰოლური სასმელების მაღაზიები რუსულ სასმელებს გაყიდვიდან ამოიღებენ. ქვეყნის უდიდესმა პროვინციამ ონტარიომ კი ალკოჰოლის კონტროლის საბჭოს მითითება უკვე მისცა, რომ პროვინციაში ყველა რუსული წარმოების პროდუქტი ამოიღონ გაყიდვიდან.
ამ გადაწყვეტილების შედეგად, მხოლოდ ონტარიოში, რუსეთში წარმოებულ ყველა პროდუქტს 679 მაღაზიიდან ამოიღებენ გაყიდვიდან.
„ნიუფაუნდლენდისა და ლაბრადორის ალკოჰოლის კორპორაციებმა, სხვა ალკოჰოლთა იურისდიქციებმა მთელ კანადაში, გადაწყვიტეს რუსული წარმოშობის პროდუქტები დახლებიდან აიღონ“, - წერს კორპორაცია ტვიტერზე.
The Newfoundland and Labrador Liquor Corporation, along with other Liquor jurisdictions throughout Canada, has made the decision to remove products of Russian origin from its shelves. These include Russian Standard Vodka and Russian Standard Platinum Vodka.
აღსანიშნავია, რომ კანადამ 2021 წელს რუსეთიდან იმპორტით 4.8 მილიონი დოლარის ღირებულების ალკოჰოლური სასმელი შეიძინა. არაყი კანადელ მომხმარებლებს შორის, ვისკის შემდეგ, მეორე ყველაზე პოპულარული სასმელია.
კანადის პრემიერმინისტრმა ჯასტინ ტრუდომ უკვე გამოაცხადა სანქციები რუსეთის წინააღმდეგ. მისი თქმით, კანადა რუსულ ელიტებს მძიმე ხარჯები დაუკისრებს, ვლადიმერ პუტინს კი შეეზღუდება შეჭრის დაფინანსების შესაძლებლობები.