კენჭისყრა იმპიჩმენტზე - სად იქნება ოპოზიცია

იმპიჩმენტის კენჭისყრას ხვალ სალომე ზურაბიშვილი დაესწრება და სიტყვითაც გამოვა, ამ დროს კი დარბაზში ოპოზიციის უმეტესობა არ იქნება. ნაწილი შესვლას ისედაც არ გეგმავდა, ზოგი პარტია კი ასე პრეზიდენტის მოწოდებას ითვალისწინებს. მარტო, ოცნების პირისპირ დარჩენა ზურაბიშვილს "სანახაობის შესაქმნელად სჭირდება, თავს გვაცოდებს" - ამბობენ ივანიშვილის გუნდში. ამასთან, ოცნება თავს იზღვევს და ამბობს, რომ 90-ზე მეტი ხმა არ აქვს, იმპიჩმენტს კი 100 სჭირდება. საინტერესოა, ვის გადაბირებას ან მოსყიდვას შეძლებს ივანიშვილი. ოპოზიცია იმპიჩმენტს ევროინტეგრაციის საბოტაჟის მიმართ დაგეგმილ რუსულ შოუს უწოდებს.