აშშ-ის კონგრესის წარმომადგენელთა პალატის წევრი, ადამ კინზინგერი ჩეჩნეთის პრეზიდენტის, რამზან კადიროვის მრჩევლის ლევ ძენგოვის თბილისში გამოჩენას ეხმაურება და აცხადებს, რომ "საქართველო რუსეთთან ფლირტს უნდა შეეშვას" და გაიაზროს, რომ რუსეთი რეგიონში ძალაუფლებას კარგავს.
"რუსეთის, როგორც რეგიონული ძალის დღეები იწურება. მე მტკიცედ ვურჩევ საქართველოს, რომ ეს სერიოზულად აღიქვას და შეეშვას რუსეთთან ფლირტს" - განაცხადა ადამ კინზინგერმა.
Russias days as a regional power are drawing closed. I strongly recommend Georgia take this seriously and quit playing footsie with Russia. https://t.co/r73nwsxZJY
22 აგვისტოს აქტივისტმა მარიამ გეგუჩაძემ სოციალურ ქსელში გამოაქვეყნა თბილისში, ერთ-ერთ რესტორანში გადაღებული ფოტო, რომელზეც რამზან კადიროვის მრჩეველი ძენგოვი ჩანს.
„კადიროველი ძენგოვი, რომელსაც ოკუპაციის შესახებ კანონი აქვს დარღვეული (აფხაზეთში იყო რამდენჯერმე) ერთობა საქართველოში და უკრაინელ ჟურნალისტს, ანტიპუტინისტ გორდონს ეს მთავრობა საზღვრიდან აძევებს. აი, მეტი როგორ უნდა თქვას ამ მთავრობამ, რომ რუსია.
პ.ს. ძენგოვი ქეთა თოფურიას ქმარია.“ - წერს გეგუჩაძე.
დახურვა