ციციშვილის ბავშვთა კლინიკაში კორონავირუსის შედეგად 15 წლის მოზარდი გარდაიცვალა. ამის შესახებ ინფორმაცია ფორმულას კლინიკის დირექტორმა მაია ჩხაიძემ დაუდასტურა. მისი ცნობით, პაციენტი პირველ სექტემბერს შეიყვანეს კლინიკაში.
"მას ჰქონდა თანხმლები დაავადებები: ჰიდროცეფალია, ცერებრული დაბლა, ჭარბწონიანობა", - განაცხადა მაია ჩხაიძემ.
მანამდე, თბილისში კორონავირუსით 6 წლის ბავშვი გარდაიცვალა. კლინიკის ცნობით, მასაც ჰქონდა ცერებრული დამბლა და განვითარდა სეპტიური შოკი.
კორონავირუსს საქართველოში, ასევე 3 ახალშობილის სიცოცხლე ემსხვერპლა.
ბავშვის კორონავირუსისგან დასაცავად აუცილებელია დედის აცრა, როგორც ორსულობის, ისე ძუძუთი კვების დროს.
- ვრცლად ორსულების და მეძუძური დედების აცრის შესახებ წაიკითხეთ აქ.
საქართველოში არასრულწლოვნებში კორონავირუსის აცრა მხოლოდ 16 წელს ზემოთ მოზარდებისთის, ფაიზერის ვაქცინით არის დაშვებული.
6 სექტემბრის მონაცემებით, საქართველოში კორონავირუსის 1 120 ახალი შემთხვევა გამოვლინდა, 61 პაციენტი გარდაიცვალა. დაავადებათა კონტროლის ცენტრის ცნობით, ბოლო 24 საათში 16 149 ტესტი ჩატარდა.
დახურვა