რუსეთის საგარეო საქმეთა მინისტრ სერგეი ლავროვის განცხადებით, რუსეთი საქართველოსთან კონტაქტებს ინარჩუნებს საჭიროების მიხედვით. ამის შესახებ მან "3+3-ის" ფორმატის სხდომაზე თქვა.
"ჩვენ გვაქვს თბილისთან კონტაქტები. შვეიცარიის საელჩოში ინტერესთა სექცია გვაქვს. იქ მუშაობენ ჩვენი დიპლომატები, რომელთაც საჭიროების მიხედვით აქვთ შესაძლებლობა განიხილონ მიმდინარე საკითხები, პირველ რიგში, ვაჭრობის, ტურიზმის, საქართველოს შესაბამის ორგანოებთან ადამიანებს შორის პირდაპირი კონტაქტის სფეროში", - თქვა ლავროვმა.
საქართველოს ხელისუფლება "3+3" ფორმატში მონაწილეობა უარს ამბობს. ლავროვის თქმით, საქართველოსთვის კარი ღიაა.
"მორიგ ჯერზე, ამას ვაკეთებთ ყოველთვის, როდესაც ამ ფორმატში ვიკრიბებით, დავადასტურეთ, რომ საქართველოსთვის ამ პლატფორმის კარები ყოველთვის ღია რჩება. ვიმედოვნებთ, დროთა განმავლობაში ქართველი მეზობლები ჩაერთვებიან მის მუშაობაში", - თქვა მან.
დახურვა