ლოს-ანჯელესში გლობალური დათბობის საწინააღმდეგო აქცია გაიმართა

ოსკარის ცერემონიამდე ორი დღით ადრე ლოს-ანჯელესში გლობალური დათბობის საწინააღმდეგო აქცია გაიმართა. ჯეინ ფონდას მიერ ორგანიზებულ გამოსვლას ხოაკინ ფენიქსიც დაესწრო. ვარსკვლავმა შეკრებილებს სიტყვით მიმართა და გარემოს დაცვის მნიშვნელობაზე ისაუბრა. მსგავს დემონსტრაციებს ხოაკინ ფენიქსი ხშირად ესწრება. ერთი თვის წინ ვაშინგტონში დააკავეს კიდეც, როდესაც მომიტინგეებთან ერთად კონგრესის შესასვლელი გადაკეტა.