„ქართული ოცნების“ ვიცე-სპიკერი მამუკა მდინარაძე აცხადებს, რომ ტელეკომპანია „ფორმულაში“ სტუმრად არასდროს არ მივა. ამის მიზეზად მდინარაძე ტელევიზიის „პარტიულობას“ ასახელებს.
„მე არასდროს არ მოვალ ფორმულაში იმიტომ, რომ კონკრეტული პარტიის პიარ სამსახურში ვერ დავჯდები დებატებში. თქვენ წარმოადგენთ იმ გუნდის ტელევიზიას, რომელმაც 2008 წლის აგვისტოს ომის შემდეგ რეზოლუციას დაუჭირა მხარი, სადაც ეწერა, რომ თითქოს საქართველოს სამხედრო ძალებმა დაიწყეს ომი“, - განაცხადა მამუკა მდინარაძემ.