თბილისის მერიის ინფორმაციით, დედაქალაქში მოსული ნალექისა და დაბალი ტემპერატურის გამო, თბილსერვის ჯგუფი გზების გაწმენდის სამუშაოებს ახორციელებს.
მათივე ცნობით, ამ დროისთვის დედაქალაქის შემოერთებულ ტერიტორიებზე: ტაბახმელაში, კოჯორში, შინდისში, კიკეთში, სამადლოში, წყნეთში, წავკისსა და ბეთანიაში დაახლოებით, 25 ტონა ტექნიკური მარილი დაიყარა.
მერიის ცნობით, გზების გაწმენდის სამუშაოებში თბილსერვის ჯგუფის 50-მდე თანამშრომელი და 6 ერთეული სპეციალური ტექნიკაა ჩართული. მერიაში ამბობენ, რომ გზის გაწმენდის პროცესი საჭიროებისამებრ გაგრძელდება.
"პრობლემის არსებობის შემთხვევაში, მოქალაქეებს შეუძლიათ დაუკავშირდნენ როგორც თბილსერვის ჯგუფის, ისე თბილისის მერიის ცხელ ხაზს", - აცხადებენ დედაქალაქის მერიაში.