მეუფე ნიკოლოზი: მე არ მინდა, რომ მოქმედებდეს ე.წ. ლინჩის წესი

ევროპარლამენტის რეზოლუციის გაზიარებას და სააკაშვილის სამკურნალოდ გაგზავნას არ გეგმავს ივანიშვილის ხელისუფლება. პირიქით, ქმნის წარმოდგენას, რომ პაციენტის მდგომარეობა კრიტიკული არ არის. სწორედ ამ მიზანს ემსახურებოდა, მესამე პრეზიდენტის ოჯახის თქმით, პენიტენციური სამსახურის მიერ გავრცელებული კადრები. ხელისუფლებისგან რადიკალურად განსხვავებულ სურათს აღწერს მიტროპოლიტი ნიკოლოზი, რომელიც სააკაშვილს ვივა მედში ხშირად სტუმრობს.