მთავრობის ადმინისტრაციაში ამბობენ, რომ პრეზიდენტს საფრანგეთში ვიზიტთან დაკავშირებით არ მიუმართავს.
სალომე ზურაბიშვილმა პარიზში ვიზიტის შესახებ 8 ნოემბერს ორბელიანების სასახლის წინ გამართულ შეკრებაზე ისაუბრა. როგორც პრეზიდენტმა აღნიშნა, ის მშვიდობის ფორუმს დაესწრება და ევროპული საბჭოს პრეზიდენტთან ერთად მონაწილეობას მიიღებს პანელში, რომელიც კრიზისებსა და კონფლიქტებს განიხილავს. ფორუმი 10-11 ნოემბერს ჩატარდება.
"დავესწრები ამ ფორუმს, როგორც იყო დაგეგმილი. იმის გათვალისწინებით თუნდაც, როგორც ახლა დაიგეგმა, პრემიერიც დაესწრება. ამ მხრივ, ნებსით თუ უნებლიეთ, გამოგვივა ორივეს დეპოლარიზაციის მაგალითის მიცემა", - განაცხადა ზურაბიშვილმა.
იმპიჩმენტის მცდელობის შემდეგ ეს სალომე ზურაბიშვილის პირველი ვიზიტია საზღვარგარეთ.
დახურვა