ალბანეთში ბოლო 30 წლის განმავლობაში ყველაზე ძლიერი მიწისძვრის შედეგად დაღუპულთა რაოდენობა 13-მდე გაიზარდა, დაშავებულთა რაოდენობა კი 600-ს აჭარბებს. 6.4 მეათედი მაგნიტუდის სიმძლავრის მიწისძვრა დღეს გამთენიას მოხდა. სტიქიის ეპიცენტრი დედაქალაქის ჩრდილო-დასავლეთით, 34 კილომეტრის დაშორებით იყო. ტირანასა და რამდენიმე სანაპირო ქალაქში დანგრეული საცხოვრებელი სახლების ნანგრევებში მოყოლილი ადამიანების გადარჩენას სამაშველო ჯგუფები ცდილობენ. სტიქიის ზონაში ერთი დღით შეწყდა სასწავლო პროცესიც. ალბანეთის შემდეგ ძლიერი მიწისძვრა მოხდა ბოსნიაშიც, თუმცა მსხვერპლის შესახებ ინფორმაცია არ გავრცელებულა.
დახურვა