მოძალადე, პრორუსული, ჰომოფობიური ჯგუფის ლიდერი გურამ ფალავანდიშვილი, პრაიდის ჩაშლის მუქარის პარალელურად, ქვეყნიდან დასავლელი დიპლომატების გაძევებას ითხოვს. ამ მოთხოვნით მან და მისმა თანამოაზრეებმა მცირერიცხოვანი აქცია ევროკავშირის წარმომადგენლობის ოფისთან გამართეს, შემდეგ კი აშშ-ის საელჩოსთან გადაინაცვლეს.
როგორც ფალავანდიშვილი ამბობს, პრაიდის აკრძალვასთან ერთად, აშშ-ის ელჩი კელი დეგნანი და ევროკავშირის ელჩი კარლ ჰარცელი "პერსონა ნონ გრატად" უნდა გამოცხადდნენ.
გარდა ამისა, ის ამბობს, რომ 4 ივლისს, 19:00 საათზე რუსთაველის გამზირზე კარვებს გაშლის და ღირსების მარშის მონაწილეებს დაელოდება.
თბილისი პრაიდი ღირსების მარშის გამართვას 5 ივლისს, რუსთაველის გამზირზე გეგმავს.
გუშინ, 29 ივნისს თბილისი პრაიდთან დაკავშირებით საპატრიარქომ განცხადება გაავრცელა და ევროპარლამენტარებსა და საქართველოში აკრედიტირებულ საელჩოთა ხელმძღვანელებს მიმართა, თავი შეიკავონ თბილისი პრაიდის მხარდაჭერისა და "მათი წახალისებისაგან".
დახურვა