Bloomberg-ის ცნობით, მთელი მსოფლიოს მასშტაბით IT სისტემების მნიშვნელოვანი შეფერხება დაფიქსირდა, რამაც ავიახაზების, მედიასაშუალებების, ბანკებისა და სასწრაფო დახმარების მუშაობას პრობლემა შეუქმნა.
როგორც ცნობილია, სიდნეის აეროპორტში ფრენები შეჩერებულია, ფრენები შეწყვიტა United Airlines-მაც.
პრობლემა დაფიქსირდა ესპანეთის ყველა აეროპორტში.
"ჩვენ ვმუშაობთ მის მოგვარებაზე რაც შეიძლება მალე. ამასობაში ოპერაციები მექანიკური სისტემებით გრძელდება", - აცხადებენ ესპანეთის აეროპორტების ოპერატორ კომპანიაში.
ამ ეტაპზე შეფერხების მიზეზი უცნობია, მაგრამ Microsoft ამბობს, რომ შემარბილებელ ზომებს იღებს. ვარაუდობენ, რომ პრობლემა კიბერუსაფრთხოების კომპანიის, CrowdStrike-ის პროგრამულ უზრუნველყოფაშია.
კიბერ ინციდენტის გამო შეფერხდა ლონდონის საფონდო ბირჟა. პრობლემა შეექმნა აშშ-სა და კანადის ტერიტორიაზე სასწრაფო დახმარების მუშაობას. ბრიტანული არხი Sky News პირდაპირ ეთერში ვერ გავიდა.
ამასთან, Sky News-ის აღმასრულებელი თავმჯდომარის ინფორმაციით, პირდაპირი ტრანსლაციის უზრუნველყოფა ვერ შეძლეს.
დახურვა