ნათია თურნავა მოსახლეობას რიონის ხეობის მცველების გარეშე ხვდება

რიონის ხეობაში ნამახვანი ჰესის მშენებლობას თვეებია აპროტესტებენ ხეობის მცხოვრებლები. ისინი ითხოვენ, დატოვოს ხეობა კომპანია „ენკამ,  გაუქმდეს ნამახვანის ჰესების კასკადზე 2015 წელს გაცემული ნებართვა და მასზე დაფუძნებული დოკუმენტები. ჰესების კასკადზე გარემოსდაცვითი გადაწყვეტილების მოქმედების შეჩერებას ითხოვენ "საქართველოს ახალგაზრდა იურისტთა ასოციაცია" და "მწვანე ალტერნატივა". მათ თითქმის ერთი წლის წინ მიმართეს თბილისის საქალაქო სასამართლოს ნამახვანჰესის მშენებლობის შეჩერებასთან დაკავშირებით, თუმცა რეაგირება არ ყოფილა.