ნიკა გვარამიას საქმე

სააპელაციო სასამართლოში ნიკა გვარამიას საქმის განხილვა 4 ოქტომბერს გაგრძელდება. დღეს საქმის არსებითი განხილვა გაიმართა. გამოკითხეს არასამთავრობო ორგანიზაცია GDI-ის წარმომადგენელი. მან წარადგინა სტატისტიკა, რომლის თანახმადაც, იმ მუხლით, რომლითაც გვარამიაა დაპატიმრებული, ბოლო 5 წელიწადში გამამტყუნებელი განაჩენი არ დამდგარა. პროკურატურამ განაცხადა, რომ ეს ასე არ არის და ამ მუხლით სისხლის სამართლის პასუხისგებაში მიცემის 3 შემთხვევა ფიქსირდება.