რუსმა ოკუპანტებმა ხარკივზე იერიში მიიტანეს, რის შედეგადაც სულ მცირე 4 ადამიანი დაიღუპა. ადგილობრივი ხელისუფლება მოსახლეობას მოუწოდებს თავშესაფრებში დარჩნენ.
როგორც ხარკივის ოლქის სამხედრო ადმინისტრაციის უფროსი ოლეგ სინეგუბოვი ამბობს, ოკუპანტები ხარკივის ცენტრს ახლაც ესვრიან.
"წინასწარი ინფორმაციით, თავდასხმის დროს დაშავდა 7 ადამიანი, 4 კი სამწუხაროდ დაიღუპა. თუმცა ცნობები დაღუპულებისა და დაჭრილების შესახებ ჯერ კიდევ ზუსტდება. მინდა მოვუწოდო ადგილობრივებს არ დატოვოთ თავშესაფრები", - თქვა სინეგუბოვმა. ბოლო რამდენიმე საათში ხარკივის ოლქში 7 საჰაერო განგაში ამოქმედდა.
ცოტა ხნის წინ სამხედრო ადმინისტრაციამ მოსახლეობას მიაწოდა ინფორმაცია, რომ მიმდინარეობს საარტილერიო თავდასხმა ქალაქსა და მთლიან ოლქზე.
დახურვა