ოკუპირებული სამხრეთ ოსეთის ე.წ. უშიშროების საბჭომ მიიღო გადაწყვეტილება, რომლის მიხედვითაც, ახალგორის მცხოვრებლებს, მკურნალობის მისაღებად „რაზდახანის“ საგუშაგოს გავლით შეუძლიათ საქართველოს ხელისუფლების მიერ კონტროლირებად ტერიტორიაზე გადასვლა, - ამის შესახებ დე ფაქტო პრეზიდენტის პრესმდივანმა დინა გასიევამ განაცხადა. ინფორმაციას "სპუტნიკ-ოსეტია" ავრცელებს.
გასიევის განმარტებით, გადასვლის უფლება მიეცემა იმ მცხოვრებლებს რომელთაც სასწრაფო და მაღალტექნოლოგიური სამედიცინო დახმარება ესაჭიროებათ.
გარდა ამისა, ადგილობრივი მედიის ცნობით, ახალგორიდან პენსიონერებისთვის, რომელთაც არ აქვთ „სამხრეთ ოსეთის და/ან რუსეთის მოქალაქეობა და პენსიას მხოლოდ საქართველოდან იღებენ“, სპეციალური პირობები შეიქმნება.
ფოტო: "სპუტნიკი"
დახურვა