ამ კვირაში პარლამენტში სუს-ის უფროსის თანამდებობაზე ასარჩევად გრიგოლ ლილუაშვილის კანდიდატურას განიხილავენ.
ლილუაშვილი დეპუტატების წინაშე თავდაცვისა და უშიშროების კომიტეტის სხდომაზე წარსდგება. სუს-ის უფროსს პარლამენტი 6 წლის ვადით, სრული შემადგენლობის უმრავლესობით აირჩევს.
უმრავლესობისა და უმცირესობის წევრებს სუს-ის უფროსის ყოფილ მოადგილესთან შეკითხვები მის წარსულ საქმიანობასთან დაკავშირებით ექნებათ.
განსაკუთრებით მწვავე კითხვები კი საპარლამენტო უმცირესობას აქვს მომზადებული. შეგახსენებთ, რომ გრიგოლ ლილუაშვილი 2019 წლის იანვრიდან სუს-ის უფროსის პირველი მოადგილე იყო. 2016 წლამდე კი „ქართუ" ჯგუფში სხვადასხვა მაღალ თანამდებობებს იკავებდა.
დახურვა