"იმედის შუქურა", რომელიც მსოფლიოში სასურსათო კრიზისს შეამსუბუქებს - ამ სიტყვებით შეაფასა გაეროს გენერალურმა მდივანმა ცოტა ხნის წინ სტამბოლში ხელმოწერილი შეთანხმება. დოკუმენტი, რომელიც უკრაინამ და რუსეთმა თურქეთთან და გაეროსთან ცალ-ცალკე გააფორმეს, მარცვლეულის ექსპორტზე რუსული ბლოკადის მოხსნას ითვალისწინებს. დერეფანი უახლოეს დღეებში უნდა გაიხსნას. შეთანხმების გაფორმებას უკვე მიესალმა საერთაშორისო გაერთიანება და რუსეთს პირობების შესრულებისკენ მოუწოდა.