პრეზიდენტის და პარლამენტის დაპირისპირება

ჭუჭყი - ამ ტერმინით ლაპარაკობს ქართული ოცნების თავმჯდომარე პრეზიდენტის ქმედებებზე. ზურაბიშვილისა და ოცნების დაპირისპირება მწვავდება და კულუარებიდან დავის მეტი დეტალი გამოდის. ირაკლი კობახიძის განმარტებით, "ქართული ოცნება“ უფრთხილდებოდა პრეზიდენტის ინსტიტუტს და „ჭუჭყის გარეთ გამოტანა აქამდე არ სურდა". მხარეებს შორის უკვე ღია უთანხმოება ელჩების დანიშვნის საკითხს ეხება, ივანიშვილის გუნდი ამტკიცებს, რომ ზურაბიშვილი მთავრობას დიპლომატებს უბლოკავს და არღვევს კონსტიტუციას.