რატომ დუმს პროკურატურა საიდუმლო ფაილებზე

ხმაურიანი ფაილების გავრცელებიდან ერთი დღის გასვლის შემდეგ ფაქტზე მოკვლევაც კი არაა დაწყებული, არადა გამოსაძიებელია რამდენიმე საგანგაშო  მიმართულება. ერთი მხრივ უკანონო მიყურადება, მეორე მხრივ სისხლის სამართლის დანაშაულები, რომელთა შესახებაც სავარაუდო მიყურადების ავტორებმა, შესაბამისმა უწყებებმა წლების მანძილზე ყველაფერი იცოდნენ და არაფერი მოიმოქმედეს. მათ შორისაა პედოფილია,  ანუ სასულიერო პირების მხრიდან სექსუალური კონტაქტის დამყარება არასრულწოვნებთან, ქრთამის აღება პატიმართა შეწყალებაზე შუამდგომლობის სანაცვლოდ და ასე შემდეგ.