![როგორი ამინდი იქნება 3 აგვისტომდე საქართველოში - სინოპტიკოსების პროგნოზი](/uploads/news/ამინდი11.jpg)
გარემოს ეროვნული სააგენტოს ინფორმაციით, 30 ივლისიდან საქართველოს ტერიტორიის უმეტეს ნაწილზე გამოიდარებს.
მათივე ცნობით, 3 აგვისტომდე ხანმოკლე წვიმა მოსალოდნელია მხოლოდ ცალკეულ რაიონში. ჰაერის ტემპერატურა დაბლობსა და ბარში დღის საათებში +29, +34 გრადუსია მოსალოდნელი.
რაც შეეხება დედაქალაქს, თბილისში უმეტესად უნალექო ამინდი იქნება. ჰაერის ტემპერატურა +31, +33 გრადუსი დაფიქსირდება.