![2024/08/26/5thau23workdhi2.jpg](/uploads_script3/articles/2024/08/26/5thau23workdhi2.jpg)
საბაჟო-გამშვებ პუნქტ კარწახში ცეცხლსასროლი იარაღი და ვაზნები აღმოაჩინეს. ინფორმაციას ფინანსთა სამინისტროს საგამოძიებო სამსახური ავრცელებს.
"შემოსავლების სამსახურის მებაჟე ოფიცრებმა საბაჟო-გამშვებ პუნქტში "კარწახი" ეჭვის საფუძველზე, უცხო ქვეყნის მოქალაქის მართვის ქვეშ არსებული ავტომობილის დეტალური დათვალიერების შედეგად, ცეცხლსასროლი იარაღი და 152 ცალი ვაზნა აღმოაჩინეს", - წერს უწყება.
საგამოძიებოს ცნობით, საქმე შემდგომი რეაგირების მიზნით, შინაგან საქმეთა სამინისტროს გადაეცა.