საგარეჯოს ერთ-ერთი კლინიკის ექიმი მამუკა ოთიაშვილი ფორმულასთან ინტერვიუში აცხადებს, რომ შეიარაღებული თავდასხმის შემდეგ საავადმყოფოში 5 ადამიანი გადაიყვანეს, მათგან ერთის მდგომარეობა მძიმეა.
ექიმი აცხადებს, რომ 1 დაშავებული თბილისში გადაიყვანეს, დარჩენილი 4 პაციენტი კი საგარეჯოს კლინიკაში რჩება და მათ ოპერაციები უტარდებათ.
მისი თქმით, ამავე საავადმყოფოში გადაასვენეს გარდაცვლილი პოლიციელის ცხედარიც.
"ამჟამინდელი მონაცემებით 5 პაციენტი არის კლინიკაში შემოყვანილი, მათგან ერთ-ერთი არის გადაყვანილი მსუბუქი დაზიანებებით თბილისის სპეციალიზებულ კლინიკაში. 4 ავადმყოფი განაგრძობს მკურნალობას. ოთხივეს ესაჭიროება ოპერაციული მკურნალობა.
ცეცხლსასროლი [იარაღით] დაზიანებები არის ქვედა კიდურებში. ერთ-ერთი პაციენტის მდგომარეობა მძიმეა, სამი შედარებით მსუბუქია." - აცხადებს მამუკა ოთიაშვილი ფორმულასთან ინტერვიუში.
დახურვა