შინაგან საქმეთა სამინისტროს კახეთის პოლიციის დეპარტამენტის თანამშრომლებმა, განზრახ მკვლელობაში ბრალდებული დ.ლ დააკავეს.
უწყების მიერ გავრცელებულ განცხადებაში ნათქვამია, რომ 2020 წლის 5 სექტემბერს, თელავის მუნიციპალიტეტის სოფელ რუისპირში, დ.ლ-მ სანადირო თოფით განზრახ მოკლა თანასოფლები ი.ხ და შემთხვევის ადგილიდან მიიმალა.
უწყების ცნობით, დანაშაულს წინ უძღოდა უთანხმოება და ურთიერთშელაპარაკება.
დაკავებული ჩადენილ დანაშაულს აღიარებს.
საქმეზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. დანაშაული 7-დან 15 წლამდე თავისუფლების აღკვეთას ითვალისწინებს.
დახურვა