საქართველოს თასისთვის ლოკომოტივი და საბურთალო იბრძოლებენ

ფეხბურთში საქართველოს თასის ფინალისტი გუნდების ვინაობა ცნობილია. ტიტულისთვის თბილისური კლუბები, „ლოკომოტივი“ და „საბურთალო“ იბრძოლებენ.

პირველი ნახევარფინალური შეხვედრა საგარეჯოს „გარეჯსა“ და „ლოკომოტივს“ შორის საკმაოდ დაძაბული გამოდგა და ის თბილისელთა გამარჯვებით, ანგარიშით 2-3 დასრულდა. მეორე წყვილში კი ქვეყნის მოქმედმა ჩემპიონმა, „საბურთალომ“ ქუთაისის „ტორპედო“ 2-0 დაამარცხა და ფინალის საგზური მოიპოვა.

დავით ყიფიანის სახელობის თასის ფინალური დაპირისპირება 7 დეკემბერს გაიმართება.