საქართველოში დაარსებული რუსული კომპანია ქვევრი-ივენთი რაბათის ციხეში ფორტ ბოიარდის ანალოგს - ფორტ რაბათს აწყობს.
როგორც ორგანიზატორების მიერ გავრცელებული ინფორმაციიდან ირკვევა, ღონისძიების სახელწოდება რაბათის განძი იქნება და მასში მონაწილეობას მიღება, როგორც უცხო ქვეყნის მოქალაქეებს, ისე ადგილობრივებსაც შეეძლებათ.
ქვევრ-ივენთის ვებ-გვერდზე განთავსებული მონაცემებით ირკვევა, რომ თამაშის მიმდინარეობისას რაბათის ციხე ტურისტებისთვის და მნახველებისთვის დაკეტილი იქნება და ტერიტორიაზე მხოლოდ ორგანიზატორები და მონაწილეები დაიშვებიან. თამაში 3 საათს გაგრძელდება. მსურველებს მოუწევთ 275 დოლარის გადახდა, რათა ქვევრ-ივენთის მიერ ორგანიზებულ კვესტში მონაწილეობა მიიღონ. რაბათის განძის ჩატარება სექტემბრის ბოლომდე იგეგმება.
კომპანია ქვევრი-ივენთი რუსული კომპანიაა, რომელიც საქართველოში დაარსდა. მისი დაარსების თარიღი უცნობია. კომპანიის ვებგვერდზე წერია, რომ ისინი საქართველოს მასშტაბით სხვადასხვა ღონისძიებებს აწყობენ და რუსულ-ქართული მეგობრობის რეტორიკით გამოირჩევიან.
დახურვა