სენაკში, სოფელ ბეთლემთან ავტომობილი სავალი ნაწილიდან გადავიდა, ხევში გადავარდა და აალდა.
არსებული ინფორმაციით, დაიღუპა 3 ადამიანი, მათ შორის ბავშვი. კიდევ 2 ადამიანი დაშავდა და ისინი საავადმყოფოში გადაიყვანეს.
როგორც ფორმულას შინაგან საქმეთა სამინისტროში განუცხადეს, გამოძიება სისხლის სამართლის კოდექსის 276-ე მუხლის მე-8 ნაწილით მიმდინარეობს, რაც ტრანსპორტის მოძრაობის ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.