სირიაში არსებული მდგომარეობის განსახილველად თურქეთის პრეზიდენტი რუს, გერმანელ და ფრანგ ლიდერებს შეხვდება. ამის შესახებ განცხადება რეჯეფ ტაიპ ერდოღანმა იზმირში, მომხრეების წინაშე სიტყვით გამოსვლისას გააკეთა. ცნობილია, რომ შეხვედრა 5 მარტს არის დაგეგმილი.
მდგომარეობა სირიის ჩრდილოეთში კვლავ უკიდურესად დაძაბულია. გასულ ღამეს თურქეთის არმიამ იდლიბში ასადის ძალების პოზიციები დაბომბა. იერიში თურქულ პოზიციებზე განხორციელებული თავდასხმის საპასუხოდ მიიტანეს, რომელსაც ერთი თურქი სამხედრო ემსხვერპლა.