სოზარ სუბარი ამბობს, რომ გიორგი გახარია თბილისის მერად კენჭის ყრას ვერ გაბედავს

ქართული ოცნების წევრი სოზარ სუბარი ამბობს, რომ გიორგი გახარია თბილისის მერად კენჭის ყრას ვერ გაბედავს.

ჟურნალისტების კითხვაზე, რატომ ფიქრობს ის ასე, სუბარი პასუხობს - "დაველოდოთ და შევხედოთ".

მედიის მხრიდან დასმულ კითხვაზე, შეიძლება თუ არა, რომ გიორგი გახარიამ სწორედ ქართულ ოცნებას "წაართვას" ხმები, სუბარი აცხადებს, რომ მმართველ ძალას ამის არ ეშინია.

„[გახარია თბილისის მერად კენჭის ყრას] ვერ გაბედავს.აი, დაველოდოთ და შევხედოთ.

ჩვენ არანაირი კონკურენციის არ გვეშინია. 43%-იან ბარიერზეც იმიტომ  მოვაწერეთ ხელი, მზად ვართ, თუ 43%-საც ვერ ავიღებთ, მზად ვართ ვადამდელი არჩევნებისთვის. არ გვეშინია არც 43%-ის, არც 45-ის და არც 50-ის. უკონკურენტო ვიქნებით", - ამბობს სუბარი.