სოფელ შავშვებთან ავარიას 4 ადამიანის სიცოცხლე ემსხვერპლა, მათ შორის ერთი არასრულწლოვანია. ფორმულას ინფორმაციით დაღუპულები ერთი ოჯახის წევრები არიან.
თბილისი-სენაკი-ლესელიძის ავტომაგისტრალზე მომხდარი ავარიის შედეგად დაშავდა 9 წლის ბავშვიც, რომელიც მძიმე დაზიანებებით კლინიკა გორმედში გადაიყვანეს.
ფორმულას ინფორმაციით, მძღოლმა საჭე ვერ დაიმორჩილა და მანქანა გზიდან გადავიდა.
შსს-ს ინფორმაციით, მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს.