თბილისის საქალაქო სასამართლომ 5 ივლისის ძალადობრივ მოვლენებში მონაწილე ორ პირს პატიმრობა შეუფარდა.
ვანო ბურდულს ბრალად ედება ტვ პირველის ოპერატორის, ლევან ბრეგვაძის, საქმიანობის გამო დევნა და ძალადობა, ხოლო დავით ქოჩიაშვილს - ქუჩაში გამვლელზე თავდასხმა და ძალადობა.
პროკურატურა დაკავებულების მიმართ აღკვეთის ღონისძიებად პატიმრობას ითხოვდა, დაცვის მხარე კი გირაოს. სასამართლომ პროკურატურის მოთხოვნა გაიზიარა.
5 ივლისს მედიაზე განხორციელებული თავდასხმების შედეგად დაშავდა 53 ადამიანი, მათ შორის ლექსო ლაშქარავა - ტვ პირველის ოპერატორი 11 ივლისს გარდაიცვალა.
დახურვა