უამინდობა საქართველოში - პრობლემები თბილისსა და რეგიონებში

სტიქია საქართველოში. მესამე დღეა, დედაქალაქში ავტომანქანით გადაადგილება ჭირს. დილის საათებში მოყინულია გზები. ოფიციალური განცხადების მიხედვით,  ცენტრალურ გზებზე ტექნიკური მარილი დაყარეს, მომიჯნავე ქუჩებზე კი - არა. ეს ახსნეს იმით, რომ უპირველეს ყოვლისა, ხელი შეუწყვეს მუნიციპალური ტრანსპორტის მოძრაობას, მაგრამ არსებობს ვიდეოკადრები, რომელიც ადასტურებს, რომ ავტობუსები დღეს ნამდვილად არ მოძრაობდა შეუფერხებლად.