უახლოეს დღეებში საქართველოში თოვლია მოსალოდნელი - ნახეთ პროგნოზი

გარემოს ეროვნული სააგენტოს ინფორმაციით, 21-23 დეკემბერს საქართველოში მოსალოდნელია დროგამოშვებით ნალექი, ზოგან ძლიერი.

მათივე ცნობით, 22-23 დეკემბერს მოსალოდნელია უმეტესად თოვლის სახით, ძლიერი ქარი, მთიან და მაღალმთიან რეგიონებში ზვავსაშიშროება, ნისლი და ქარბუქი. ზღვაზე 3-4-ბალიან შტორმულ ღელვას პროგნოზირებენ.

საავტომობილო გზების ცალკეულ მონაკვეთებზე შეიზღუდება ტრანსპორტის გადაადგილება.